«ەQonaq» اقپاراتتىق جۇيەسى ۇسىنعان دەرەككە قاراعاندا, 1 ماۋسىم مەن 23 شىلدە ارالىعىندا ەلىمىزدىڭ قوناق ۇيلەرىندە 250 468 شەتەل ازاماتى توقتاعان. بۇل وتكەن جىلدىڭ سايكەس كەزەڭىمەن سالىستىرعاندا 3 ەسەدەن ارتىق, دەپ حابارلايدى Egemen.kz مادەنيەت جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.
ايتا كەتسەك, 2022 جىلدىڭ وسى كەزەڭىندە وتاندىق قوناق ۇيلەردە 77 645 شەتەلدىك تۋريست دەمالعان.
تمد ەلدەرىنەن كەلگەن تۋريستەر سانى 180 مىڭ نەمەسە 72%-دى قۇرادى. ءبىر قىزىعى, وتكەن جىلى ءدال وسى كورسەتكىش 77%-دى قۇراعان. ياعني الىس شەتەلدەن كەلگەن تۋريستەردىڭ ۇلەسى ارتىپ وتىرعانىن بايقايمىز.
ماسەلەن, موڭعوليا – 11,6 ەسە (489-دان 5 683-كە دەيىن) قىتاي – 8,5 ەسە (2 223/ 18 954), ءۇندىستان – 4,7 ەسە (1 245/5 887), وڭتۇستىك كورەيا – 3,8 ەسە (939/3 585), يران – 3,8 ەسە (237/897), گەرمانيا – 3 ەسە (1 659/5 054), اقش – 2,2 ەسە (1 237/2 761) ءوستى.
شەتەلدىك تۋريستەردىڭ ەلىمىزدە دەمالۋعا كەلەتىن باستى باعىتتارى – الماتى قالاسى (1 ماۋسىم مەن 23 شىلدە ارالىعىندا – 77 308 تۋريست), استانا قالاسى (38 463 تۋريست), الماتى وبلىسى (19 049 تۋريست) جانە ماڭعىستاۋ وبلىسى (15 062 تۋريست).